41 viktima nga vërshimet në Kinë

Së paku 41 persona kanë humbur jetën gjatë vërshimeve në pjesën qëndrore të Kinës.Keshtu kanë njoftuar sot mediat shtetërore të këtij vendi.

Shiu i furishëm natën e mbrëmshme, ka shkaktuar përmbytje dhe rrëshqitje të dheut duke shkatërruar shtëpitë dhe përforcimet në brigjet e lumit në provincën Hubei.

Për më pak se katër orë, në këto zona të Kinës kanë rënë 300 milimetra shi, ndërsa në disa pjesë uji ka arritur nivelin e dy metrave. Telefonat nuk funksionojnë ndërsa është ndërprerë edhe furnizimi me energji elektrike.