8 maji, vote per Korcen moderne

Kryeministri Sali Berisha deklaroi se zgjedhjet e 8 majit dhe fitorja e mazhorances do te bejne te mundur ndertimin e Korces se shekullit te ri. Ne takimin e mbylljes se fushates ne kete qytet, kreu i qeverise ka premtuar shtimin e investimeve, per te sjelle nje pamje moderne te tij si dhe ruajtjen e trashegimise kulturore. "Korces do t'ja ruajme sokaqet dhe tregun, sepse me to krenohet cdo korcar dhe korcare. Korces do t'i ruajme qendren me te gjithe integritetin e saj kulturor, por sikunder do te zhvillojme Korce moderne, Korcen e shekullit te ri", tha dje Berisha. Ai kerkoi voten per kandidatin e mazhorances, Andrea Mano duke theksuar se te gjithe qytetaret, pavaresisht simpative politike, jane te mirepritur te votojne per projektin e tij te punesimit dhe zhvillimit. "Asnje njeri nuk duhet te mbetet ne rrugen e vetmise, asnje nuk duhet te eci drejt te shkuares, cdo njeri eshte i mirepritur te votoje per Andrea Manon. Cdo vote per suksesin e Andrea Manos do te shendrrohet ne suksesin e secilit prej jush", tha dje nga qyteti i Korces kryeministri Berisha. Kreu i mazhorances ka permendur faktin se gjate 4 viteve, qeveria ka investuar mbi 40 milione euro per zhvillimin e qytetit. "Ketu ne Korce, gjate 4 viteve; ne rruge, shkolla, universitet, sokaqe dhe objekte te tjera, qeveria ka investuar 40 milione euro. Qeveria per Korcen dhe korcare ka per te bere qe distanca e tyre me Tiranen te shkurtohet ne me pak se nje ore e gjysme, po investohet gjysme miliarde euro", tha ai. Berisha ju pergjigj edhe deklaratave te opozites se qeveria nuk ka zhvilluar projekte ne kete qytet, duke theksuar se mazhoranca ka investuar dhe do te investoje gjithnje e me shume. "Degjova nje dite z Peleshi te deklaronte para medieve, se tre vitet e fundit qeveria shqiptare nuk i ka dhene Korces asnje qindarke. z. Peleshi, keto jane deklarata te rruges se vetme, por une do te ndalem ne dicka tjeter, t'i duhet te thoshe se qeveria duhet te beje me shume per Korcen dhe une jam ketu per tu zotuar se Korca meriton me shume, dhjetera here me shume. Me Andrea Manon do te bejme me shume", tha Berisha. Duke vleresuar kandidaturen e Andrea Manos, Berisha shtoi se ne kete qytet, ashtu si ne gjithe qytetet e tjera, "ndjehet flaka e fitores". Ai shtoi se edhe pak dite e ndajne mazhorancen nga fitoja dhe ka theksuar se 8 maji do te jete dita e qytetarise dhe lirise per shqiptaret.

Mano: Korca nuk ka vetem nje rruge

Kandidati i koalicionit "Aleanca per Qytetarin" ne qytetin e Korces, Andrea Mano deklaroi dje gjate takimit entuziast per mbylljen e fushates se pjesemarrja masive e bente te sigurt ne fitoren e 8 majit. Ai paraqiti para qytetareve pikat kryesore te premtimeve te tij, duke theksuar se Korca duhet te dale nga situata e veshtire. "Per Korcen tone nuk ka vetem nje rruge, nuk ka rruge te izoluar. Kemi pasur nje kryetar bashkiak qe synimin kryesor ka pasur shkaterrimi e qendres se qytetit. Nuk ka bere asgje per pazarin e qytetit. Ne nuk mund te harrojme sportin, futbollin dhe per kete arsye dot e investojme ne qytetin e Korces, per ta kthyer ate ne nje stadium te permasave kombetar Nga ky miting i madh kuptova se do te fitojme me 8 maj Bashkine e Korces", tha dje Mano.