8 të vdekur pas një aksidenti në Poloni

Raportet nga Polonia thonë se tetë persona, shumica nga të cilët punëtorë ukrainas, kanë humbur jetën nga përplasja e autobusit të tyre me një tren.

Aksidenti ka ndodhur pranë qytetit Lodz, në qendër të Polonisë.

Dy njerëz që kanë qenë në autobus, raportohet të kenë shpëtuar por me lëndime serioze.

Dhjetë persona, shumica femra, kanë qenë në bordin e autobusit në kohën e aksidentit.

Sipas disa medieve, autobusi është goditur nga treni, pasi ai ka kaluar në një rrugë të pambrojtur.