A po afrohet marrëveshja për presidentin? Kurti flet për takimin me Abdixhikun

PRISHTINË, 28 gusht /ATSH/ Kryeministri në detyrë, Albin Kurti, ka thënë se takimi i radhës me kreun e LDK-së, Lumir Abdixhikun, do të ndodhë sapo të merren vesh për të.

Kurti u shpreh se shpresojnë në një marrëveshje për një emër konsensual për presidentin.

Kurti për takimin e radhës me Abdixhikun: Do të ndodhë porsa të merremi vesh, shpresojmë për marrëveshje

“Do të ju njoftojmë me kohë porsa të merremi vesh për takimin e radhës dhe shpresojmë edhe për marrëveshje”, tha Kurti, raporton KosovaPress.

Në takimin e fundit mes Kurtit e Abdixhikut, të dy e kanë konfirmuar se për herë të parë kanë folur për emra konkretë.

/Kosovapress/