AGPK denon sulmin ndaj gazetarit Tvrdisiç

Asociacioni i Gazetarëve Profesionistë të Kosovës (AGPK) me shqetësim ka marrë lajmin se redaktori i Radio Kontakt Plus në Veri të Mitrovicës, Zeljko Tvrdisiç, është sulmuar fizikisht të martën pasdite, në veri të Mitrovicës.

"Kolegu Tvrdisiç ka qenë duke e kryer punën profesionale që për qëllim ka pasur trajtimin e temës që ka të bëjë me heqjen kioskave nga trotuaret. Ai fillimisht është ofenduar e pastaj është rrahur nga një individ i njohur për Policinë e Kosovës", thuhet në një komunikatë të AGPK-së.

AGPK u bënë thirrje organeve të rendit përfshirë misionit të BE-së për sundimin e ligjit EULEX, që të marrin rastin në trajtim të veçantë, dhe të mundësojnë që personi që ka guxuar të sulmojë kolegun Tvrdisiç të dënohet.