ANEB nuk garanton qëllimet paqësore të Iranit

Kreu i agjencisë së OKB-së për energji bërthamore, Jukija Amano, tha se organizata që ai drejton nuk është në gjendje të garantojë se Irani nuk po përpiqet të zhvillojë armë bërthamore.

"Ndersa Agjencia vazhdon të verifikojë qendrat bërthamore dhe materialet e deklaruara bërthamore nga Irani, Teherani nuk po ofron bashkëpunimin e nevojshëm që t`i japë Agjencisë garanci të besueshme rreth aktiviteteve të padeklaruara bërthamore në Iran. Për pasojë nuk mund të garantojmë se të gjitha materialet bërthamore janë për aktivitete paqësore", tha Amano.