ARMO, dy drejtues te tjere ne burg
Dy ish-funksionare te kompanise shteterore te naftes ARMO jane perballur dje me togat e zeza te Gjykates se Rrethit te Fierit te kryesuara nga Alfred Ikonomi, per vleresimin e mases se sigurise. Gezim Osmanaj dhe Bashkim Avdullaj, te akuzuar per "shperdorim detyre", do te qendrojne ne burg pa afat, duke i dhene kohe prokurorise te thelloje hetimet. Urdhri i arrestit eshte leshuar qe ne tetor te vitit te kaluar, kur ne te njejten dite u arrestuan kater ish-drejtues te tjere te larte te kompanise Fatos Nika, Olmi Deraj, Agim Asllanaj dhe Llambi Bucka. Operacionit policor atehere i shpetuar gezim Osmanaj dhe bashkim Avdullaj, te cilet u prangosen disa dite me pare. Gjate mbrojtjes se kerkeses per vleresimin si te ligjshem te mases se arrestit ndaj Gezim Osmanaj dhe Bashkim Avdullaj, prokurori Clirim Sina renditi gjithe shkeljet e dokumentuara nga Auditi i Ministrise se Ekonomise, Tregtise dhe Energjetikes, duke i konsideruar prova te mjaftueshme per mbajtjen e te akuzuarve ne qeli. Tre inspektoret nga kryeqyteti kane konstatuar shkelje te renda, sidomos ne procedurat e tenderimit dhe prokurimeve publike, te cilat sipas tyre kane shkaktuar nje dem te konsiderueshem ekonomik. Raporti ka kaluar ne zyrat e Prokurorise se Rrethit te Fierit, e cila tashme po heton per perfitimet e nxjerra nga 6 ish-funksionaret e arrestuar, te cilet do te perballen se shpejti me nje proces gjyqesor penal.
Xhemil Beharaj