Mbetesit, ne universitet vitin e ardhshem

Maturantet qe nuk do te marrin ndonjerin prej provimeve me detyrim, duhet ta rijapin ate ne vjeshte. Kjo eshte edhe arsyeja pse parashikohet qe ne vjeshte te aplikohet "Matura e Vjeshtes", ne menyre qe mbetesit te japin lenden qe s'kane mundur ta marrin. Sipas Mesit, ata maturante qe nuk marrin qofte edhe njerin prej provimeve me detyrim, nuk kane te drejte qe te plotesojne Formularin A2 per kete vit, e si rrjedhoje ata duhet t'i japin provimet me zgjedhje ne korrik te vitit te ardhshem, sipas datave qe do te caktoje MASH. Sipas specialistit, keto provime do te zhvillohen me po te njejtat standarde te Matures Shteterore si dhe provimet e detyruara te sesionit te pare. Cdo Drejtori Arsimore Rajonale dhe Zyre Arsimore ben gati listen e mbetesve qe do te marrin pjese ne provimet e detyruara ne sesionin e dyte, duke specifikuar per secilin nxenes, lenden qe do te jape provim sipas formularit A1. Lista duhet te dorezohet me shkrese zyrtare dhe ne forme elektronike. Sikurse mesohet nga burime zyrtare te Ministrise se Arsimit, provimet do te zhvillohen ne menyre te perqendruar ne mjedise te percaktuara nga DAR/ZA, duke zbatuar te njejtat rregulla dhe procedura sipas "Rregullores te Matures Shteterore 2008". Per dy provimet e detyruara te sesionit te dyte te Matures Shteterore 2008, kane te drejte te paraqiten edhe ata nxenes te cilet jane vleresuar kalues ne perfundim te viteve te shkollimit te shkolles se mesme dhe nuk jane paraqitur ne sesionin e pare, si dhe nxenesit e vleresuar kalues ne sesionin e dyte (te vjeshtes) per provimet lendore te vitit te fundit.