Abuzime me toka, vihet ne hetim kryekomunarja e Ndroqit

TIRANE - Vihet nen hetim nga policia, kryetarja e Komunes se Ndroq, ne Tirane. Fatime Goga, 51 vjece, eshte akuzuar nga Policia e Tiranes "shperdorim te detyres", ndaj njerezve. Se bashku me kryetaren e Komunes, eshte nen hetim dhe Irena Trimi, 25 vjece, me detyre shefe personeli dhe sekretare ne Komunen Ndroq. Burimet zyrtare te Policise se Tiranes kane bere te ditur se, nga hetimet e deri tanishme, rezultoi se keto dy persona, ne bashkepunim me njera -tjetren, duke qene ne keto detyra, dyshohet se nuk kryenin procedurat e regjistrimit dhe kerkese - ankesat e banoreve te kesaj komune, te cilet kerkonin konfirmime mbi pronesine e tokave. Per kete qellim dosja me te dhenat ne ngarkim te dy te sipercituarave, i kane kaluar Prokurorise se Tiranes, ne hetim te lire. Kane qene mbi 40 banore te ketij fshati qe jane paraqitur ne Prokurori, te frikesuar per pronat e tyre. Sipas ligjit 7501, tokat iu takojne atyre, por sipas Zyres se Regjistrimit te Pasurive, ata nuk mund t'i certifikojne ato. Banoret e Ndroqit i kane kerkuar Prokurorise te hetoje arsyen se pse atyre nuk iu jepet certifikata e pronesise, ndersa nuk kane hezituar te drejtojne akuza ndaj kryetares se Komunes, Fatime Goga. Sipas banoreve, kryetarja e Komunes Ndroq, Fatime Goga, nuk u ka plotesuar dokumentacionet qe keta banore te paraqiten ne Zyren Vendore te Regjistrimit te Pasurive te Paluajtshme te Tiranes, per te marre certifikaten e pronesise per token e perfituar ne baze te ligjit 7501. A. Cena

Denoncimet

Ne kallezimet e bera ne institucionin e akuzes, banoret pretendojne se dy drejtuesit vendore kane shperdoruar detyren, ndersa kane frike se dokumentet e pronave te tyre mund t'i kene perfituar te tjere persona. Pikerisht keto denoncime jane regjistruar nga prokuroret.