Abuzuan me parate e te varferve tre zyrtare komune ne hetim
ELBASAN - Abuzimet me parate e ndihmes ekonomike kane cuar ne hetim tre zyrtare te komunes Kukur ne Gramsh. Operacioni eshte kryer nga Policia e Elbasanit. Burimet zyrtare thane se gjate dites se djeshme pas 9 muaj hetimesh te bera nga ana e efektiveve te sektorit kunder krimit ekonomiko-financiar eshte finalizuar me sukses operacioni i koduar Administratori. Aksioni eshte zhvilluar pas dokumentimit ligjor te veprimtarive abuzive te kryera nga punonjes te komunes Kukur Gramsh. Ne pranga ka rene Hekuran Qose 50 vjec lindur dhe banues ne fshatin Sojnik Gramsh. Ky person ka konsumuar vepren penale te shperdorimit te detyres. Duke qene ne detyren e administratorit te finances ne komunen Kukur Gramsh Qose mesohet se ka shperdoruar detyren ne menyre sistematike duke abuzuar me fondet e ndihmes ekonomike dhe investimet e dhena nga qeveria per komunen Kukur. Per kete person Gjykata e Rrethit Gjyqesor Elbasan ka vendosur masen e sigurise arrest shtepie. Gjithashtu te hetuar jane dhe dy punonjes te tjere te kesaj komune. Nazmi Tarko 51 vjec dhe Servet Tarko 41 vjec te dy lindur dhe banues ne Gramsh akuzohen se kane konsumuar elementet e vepres penale te mashtrimit. Keta te dy jane akuzuar pasi duke qene ne detyren e punonjesve ne Komunen Kukur si dhe duke bashkepunuar me Hekuran Qosen kane shperdoruar detyren ne menyre sistematike. Ata dyshohet se kane abuzuar me fondet e ndihmes ekonomike dhe investimet e dhena nga qeveria per kete komune. Per keta dy persona Gjykata e Rrethit Gjyqesor Elbasan ka vendosur masen e sigurise detyrim per paraqitje.
30 Tetor 2010