Adelina pas denoncimit të motrave Koçi vjen me këngë

Pasi bëri publikisht të ditur se do të denonconte motrat Eni dhe Greta Koçi, për publikimin e disa fotove tendencioze (se Adelina ishte pa të mbathura në skenë), këngëtarja seksi nga Kosova, Adelina Berisha, ka përgatitur këngën e re për fansat e saj. Adelina këto ditë sapo ka përfunduar xhirimet e videoklipit të saj më të ri dhe menjëherë e ka bërë publik lajmin për këngën e re në sitet kosovare. Ajo ka udhëtuar drejt Vlorës dhe Dhërmiut, vend ku edhe është xhiruar klipi dhe gjatë një prononcimi Adelina ka thënë se pavarësisht lodhjes gjatë xhirimeve ajo është ndarë e kënaqur me punën e bërë. “Videoklipin e këngës e ka punuar kompania ‘Vector group’. Jemi lodhur shumë gjatë xhirimeve, por në fund jam e kënaqur me punën që e kemi bërë”, ka thënë bukuroshja. “Kënga është punuar nga Dj Zap dhe Dj Chriss dhe e miksuar në studion e Enis Preshevës. Besoj që edhe kjo këngë e përcjellur me videoklip do të pëlqehet si këngët e mia të mëparshme”, ka pohuar Adelina. Ajo gjithashtu ka postuar edhe disa foto pikërisht nga xhirimet e klipit. Këtë fillim gushti Adelina u vu në qendër të vëmendjes së mediave pas publikimit të disa fotove që e shfaqnin këngëtaren gjatë një performance. Në fakt fotot ishin në rregull, por komenti që i shoqëronte ato nuk shkonte. Pikërisht cilësohej se këngëtarja e re nuk kishte veshur të mbathura. Më shumë kjo fjali, sesa vetë fotot, bënë më tej xhiro në gjithë sitet e lajmeve rozë në Shqipëri dhe Kosovë. I menjëhershëm ka qenë reagimi i Adelinës, e cila vendosi edhe si autore të kësaj ngjarjeje dy kolege të saj. Pikërisht motrat Greta dhe Eni Koçi, të cilat pohoi se do t’i padiste në gjykatë…