Adriano, "perandori" i ri i Romës

Në një intervistë, “romanisti” Adriano është shprehur: “Dua të jem pjesë e këtij klubi dhe mezi pres të vij në kryeqytet. është një pritje e bukur, pasi Roma është një qytet fantastik”. Më tej 28-vjeçari tha se e imagjinon momentin e rikthimit në Itali dhe pritjen që tifozët verdhekuq do t’i rezervojnë.

Nuk mungon një mendim edhe për ish-skuadrën me të cilën ka luajtur në Serinë A, Interin: “Nuk kam asnjë hakmarrje ndaj ish-shokëve të skuadrës apo presidentit Masimo Morati. Ai ma ka trajtuar gjithmonë në mënyrë të veçantë”. Në fund, “perandori” zbuloi edhe ëndrrën me ekipin e ri: “Të fitoj Ligën e Kampionëve”.