Aeroporti i Shkupit "Aleksandri i Madh", është mbyllur sot në mëngjes për shkak të mjegullës së dendur

Aeroporti i Shkupit "Aleksandri i Madh", është mbyllur sot në mëngjes për shkak të mjegullës së dendur.     Nga aeroporti njoftojnë se për shkak të uljes së shikueshmërisë, nuk është e mundur as ngritja, as ulja e aeroplanëve. Të njëjtat burime thonë se tani për tani nuk mund të parashikohet me saktësi kur do të hapet përsëri aeroporti.      Qendra e trajtimit të krizave bëri të ditur sot në mëngjes se për shkak të mjegullës, të gjithë aeroplanët që duhej të uleshin në Shkup, janë kthyer drejt destinacioneve të nisjes.