Afërdita Dreshaj në 16-shen e më të bukurave

Kurora e më të bukurës në botë në konkursin e bukurisë “Miss Universe 2011” ka përfunduar në kokën e përfaqësueses së Angolës, derisa përcjellësja e parë e saj është caktuar bukuroshja nga Ukraina, Olesya Stefanko. Dy vajzat të cilat përfaqësonin bukurinë shqiptare, Afërdita Dreshaj (Kosovë) dhe Xhesika Berberi (Shqipëri), nuk është se patën edhe shumë fat në këtë garë. Pavarësisht bukurisë së tyre (të cilën ne e lakmojmë) përfaqësuesja e Kosovës, Afërdita Dreshaj, hyri vetëm në 16-shen e më të mirave, ndërsa përfaqësuesja nga Shqipëria, Xhesika Berberi, nuk arriti të futet në top 16-shen, duke humbur shanset për një klasifikim të mirë.