Afganistan, gratë protestuan kundër ekzekutimeve publike

Gratë në Afganistan kanë protestuar sot në kryeqytetin Kabul kundër dhunës ndaj femrave.
 

Kjo protestë u bë pas ekzekutimit publik të një gruaje të re afgane të martuar në provincën Parvan, e cila ishte akuzuar për tradhti bashkëshortore.

Ministria për çështjen e grave në Afganistan e ka përshkruar demonstrimin e sotëm si “protesë në heshtje”.

Protestës iu bashkuan edhe disa deputetë, ndërsa gratë marshonin në selinë e Kombeve të Bashkuara në Kabul.

Ekzekutimi i 22-vjeçares në provincën Parvan ka shkaktuar shqetësim në të gjithë globin.

Në një video të publikuar shfaqesj gruaja e cila u qëllua për vdekje ndërsa burrat brohorisnin.

Autoritetet afgane për këtë ekzekutim i kanë fajësuar militantët talibanë.

Por, talibanët kanë thënë se nuk ishin të përfshirë në këtë rast.

Presidenti i Afganistanit, Hamid Karzai, e ka dënuar vrasjen duke e cilësuar si joislamike dhe të pafalshme.