"Aforfeja, ndjekje penale per drejtorin e KESH"

Partia Socialiste do te padise per ndjekje penale drejtorin e Korporates Elektroenergjetike, Gjergji Bojaxhi, per vendosjen ne kundershtim me ligjin te faturave aforfe ndaj qytetareve. Nenkryetari i Grupit socialist, Erion Brace, tha dje ne Kuvend se PS do te padise kreun e KESH. "Do e padisim per abuzim me detyren e shperdorim te saj", premtoi Brace. Sipas nenkryetarit socialist, Bojaxhi ka shkelur ligjin me te dyja kembet ne vendosjen e qindra mijera faturave aforfe gjate muajit janar. Ne nje kohe kur sipas Braces, ne fillim te ketij viti, nuk lejohet me vendosja e faturave te tilla. "U kemi bere thirrje qytetareve qe te mos i paguajne faturat aforfe te energjise elektrike, sepse jane te paligjshme. Ligji percakton qe deri dhjetor te vitit te kaluar, KESH mund te vendoste fatura te tilla, jo ne janar", akuzoi Brace, duke vijuar se Bojaxhi ka shkelur rende ligjin. Gjate fjales se mbajtur ne foltoren e Kuvendit, nenkryetari socialist zbardhi dhe korrespondencen qe ai kish pasur gjate ketyre dy diteve te fundit me drejtorin e KESH. "Ne kete korrespondence, Bojaxhi me thoshte se ka 3 vjet qe ben opozite. Pra, qenka i yni. Epo shkarkoheni atehere e vendosni ne vend te tij nje zoteri qe te mos shkele ligjin", vijoi Brace.