Laskaj: "Institucionet fshehin zyrtaret me konflikt interesi"
Institucionet shteterore "fshehin" zyrtaret qe kane konflikt interesi. Kryeinspektorja e Deklarimit dhe Kontrollit te Pasurive, Fatmira Laskaj, tha dje ne tryezen "Pasuri pa korrupsion" e organizuar nga institucioni qe ajo drejton se mungon bashkepunimi me institucionet e tjera ne kete fushe. "Konstatohet mungese evidentimi e pasqyrimi ne regjistrin e institucioneve per raste te ekzistences se konfliktit te interesit", reagoi Laskaj. Sipas saj lufta kunder korrupsionit e konfliktit te interesit kerkon me shume pune e bashkepunim mes institucioneve, ne te kundert, sipas Laskaj, ILDKP do te kete pengesa ne kontrollin e deklarimeve. "Ka shume nevoje per bashkepunim, sigurisht qe bashkeveprimi ne kohen e duhur, do te ndikoje pozitivisht per te parandaluar veprimet e parregullta te zyrtarit pa u renduar ne to, kur dihet qe ne rastin me te lehte perben pergjegjesi administrative", vijoi kryeinspektorja. Laskaj verejti se bashkepunimi me institucionet eshte nje kusht i domosdoshem per te ndikuar se bashku ne luften kunder korrupsionit. "Qe te realizojme nje monitorim nga pasiv ne aktiv, duhet te kuptojme se nuk behet mire te mbetemi vetem ne mbledhjen e informacioneve kunder korrupsionit, por duhet qe ato materiale apo informacione te analizohen ne realitetin e nje prove ligjore dhe vetem atehere mbi to te nxirren perfundimet e duhura. E ne kete drejtim ofrojme bashkepunim", vijoi Laskaj. Kryetarja u shpreh e hapur per rekomandime ne permiresimin e metejshem te punes se inspektoratit. Si ne procesin e mbledhjes e verifikimit te informacioneve, kontrollin, trajnimin e nepunesve apo bashkepunimin me institucionet e tjera.
R.R