Ahmadinejad: Të dënohen drejtuesit e protestave

Presidenti iranian, Mahmoud Ahmadinexhad ka deklaruar se duhet të dënohen krerët e opozitës për trazirat që ndodhën pas zgjedhjeve të 12 qershorit. "Duhet të përballojmë seriozisht çështjen e nxitësve të incidenteve. Kush ka shkaktuar, organizuar dhe ndjekur një linjë armike duhet të përballet me ligjin", është shprehur Ahmadinexhad.
Edhe pse në të shkuarën ai kishte kërkuar falje për liderët e opozitës, tani duket se ka tjetër mendim. "I kërkoj prokurorisë që të ndërmarrë veprime ligjore kundër liderëve të opozitës që kanë udhëhequr protestat", tha Ahmadinexhad.