Ahmedinejad i mbijeton shpërthimit në rafineri

Një shpërthim për shkak të një problemi teknik ka shkaktuar zjarr në një rafineri nafte në Iran, gjatë një vizite të presidentit Mahmud Ahmedinejad.

Agjencia gjysmë-zyrtare e lajmeve, Fars, tha se gjashtë njerëz janë lënduar, por Ahemdinejad nuk është lënduar dhe është paraqitur drejtpërdrejt në televizionin shtetëror për të mbajtur fjalimin e planifikuar, në shënim të inaugurimit të fazës së re të rafinerisë në Abadan, në jug-perëndim të Iranit.

Agjencia tha se “një gabim teknik ka shkaktuar shpërthimin në një nga njësitë e rafinerisë”.

Zjarrfikësit thuhet se e kanë vënë zjarrin nën kontroll.