Aksidentet fatale, 2 vdesin, 3 plagosen
Tre aksidente me pasoje vdekjen e dy personave dhe plagosjen e tre te tjereve, kane ndodhur ne 24 oret e fundit ne qytetet e Durresit dhe te Krujes. Policia tha se ndaloi dy prej shofereve te dyshuar, ndersa i treti nuk mundi te mbijetonte, per shkak te plageve te renda. Ngjarja me e rende ndodhi rreth ores 04:00 te mengjesit te djeshem, ne aksin rrugor Spitalle-Shenavlash te Durresit. Policia ndaloi Rejdi Furxhin 23 vjec, qe mbeti i lenduar ne aksident, pasi ne kohen kur drejtonte automjetin tip "Audi" me targa BA368CE, eshte perplasur me mjetin tip "Ford Fiesta", me targa po te huaja, B34641, te drejtuar nga Gentian Bardhi 29 vjec, banues ne Shenavlash. Per pasoje ka gjetur vdekjen Gentian Bardhi, ndersa Furxhi dhe pasagjeri i tij me inicialet S. M., ndodhen te shtruar ne spital, jashte rrezikut per jeten. Rreth mesnates se marte, ne vendin e quajtur "Mbikalimi i Ures se Dajlanit", tek kryqezimi i rruges qe te con per ne port, Viktor Gjoka 45 vjec, banues ne Vlore, i cili drejtonte automjetin tip "Volswagen Passat", me targa VL7764B, eshte perplasur me borduren anesore te ures dhe ka humbur jeten. Ne te dyja aksidentet shkak eshte pakujdesia dhe shpejtesia e drejtuesve te makinave. Kurse aksidenti i trete ka ndodhur ne aksin Fushe-Kruje-Kruje, ne vendin e quajtur "Kameras", kur 41-vjecari me inicialet P. D., duke drejtuar nje motokarro me targa KR080A, eshte perplasur me motocikleten tip "Yamaha", ku udhetonin E. T. 23 vjec dhe E. B. 18 vjec, ky i fundit i plagosur, pa rrezik per jeten.