Kopshti shkrumbohet nga flaket, shpetojne 150 femije dhe edukatoret

PATOS- Flaket e zjarrit te rena ne kopshtin e qytetit te Patosit rrezikojne jeten e rreth 150 femijeve dhe stafit. Ngjarja qe per fat te mire perfundoi pa te lenduar, por me deme te konsiderueshme materiale, ndodhi rreth ores 15:00 te pasdites se djeshme ne afersi te qendres se qytetit. Shtellunga tymi dhe flake zjarri te medha jane pare nga deshmitaret te dilnin prej katit te pare te godines dykateshe. Menjehere stafi i edukatoreve ka nxjerre jashte femijet qe rrezikoheshin duke i evakuuar ne kohe dhe me tej njoftuan repartin Zjarrfikes. Per rreth gjysme ore flaket kane shkrumbuar gjithcka ne katin e pare dhe demi ekonomik llogaritet ne miliona leke. Burime te policise vendore thane se nisen hetimet per ngjarjen dhe ngriten nje grup hetimor, duke pyetur stafin e edukatoreve rreth shkaqeve. Paraprakisht dyshohet per nje shkendije elektrike dhe mase ne rrjet, por hetohet edhe per ndonje aksident ne kuzhine apo me pajisjet ngrohese brenda ambienteve. Femijet qe ndodheshin ne kopsht dhe stafi i edukatoreve kane mundur te dalin jashte dhe asnjeri prej tyre nuk ka rrezikuar te perfshihet nga flaket. Roja i godines dhe edukatoret kane lajmeruar menjehere zjarrfikesit, te cilet kane mundur te shuanin zjarrin e krijuar ne brendesi. Mesohet se jane djegur pajisjet dhe shtreterit e katit te pare, por hetuesit dhe ekspertet kane keqyrur vendngjarjen pas shuarjes se flakeve per te zbuluar origjinen dhe shkakun e zjarrit.
Hetimet
Policia e Patosit dhe Reparti Zjarrfikes, kane nisur hetimet per ngjarjen e ndodhur pasditen e djeshme nen dyshimet per nje ngjarje aksidentale. Vepra penale per te cilen dyshohet se eshte konsumuar eshte ajo e "shkaterrimit te prones me zjarr", por mbetet per t'u verifikuar nese ka qene edhe nje defekt ne rrjetin elektrik.