Klientela, perleshen 2 pronare lokalesh

Durres- Rivalitet per konkurrence mes dy grave pronare te lokaleve ne qytetin e Durresit. Megjithese me nje moshe jo te re, dy femrat jane perleshur prej flokesh, duke perdorur edhe sende te forta, teksa nje prej tyre perfundoi ne spital me plage ne trup, kurse tjetra ne qelite e paraburgimit, ku u more ne pyetje dhe me pas u lirua per hetim ne gjendje te lire. Burime zyrtare bene me dije se moren nen akuze diten e djeshme, 48-vjecaren me inicialet V. Xh., banuese ne lagjen nr. 8 te Durresit, per vepren penale te "plagosjes me dashje". E demtuar nga agresioni ka mbetur biznesmenia tjeter me inicialet T. J., 56 vjece, banuese ne lagjen nr. 3 te qytetit. Rreth ores 05:00 te mengjesit, Policia e Durresit ka marre nje telefonate te cuditshme se dy gra, pronare te lokaleve ngjitur, ne lagjen nr. 4 te qytetit bregdetar zone mjaft e frekuentuar, po kercenoheshin dhe perlesheshin egersisht. Fillimisht eshte menduar per nje grindje banale ne fjale, por ne vendngjarje patrullat kane gjetur nje prej femrave, me te vjetren, te demtuar ne fytyre dhe trup. Lendime ka pasur edhe 48-vjecarja e dyshuar, qe u shoqerua ne komisariat pas denoncimit te rivales. Sipas hetimeve te kryera nga policia vendore, rezulton se ne oren 05:00 te mengjesit dy grate kishin shkuar prane lokaleve qe kishin ne pronesi, me qellim qe te hapnin deren dhe nisnin aktivitetin. Teksa kane filluar te pastronin me fshesa dhe te lanin dyshemene dhe xhamat, aty ka nisur debati. Fillimisht per mbeturinat dhe ujin, e me tej per klientelen dhe akuzat personale me fyerje te ndersjellta. Burime te policise vendore thane se shkak i grindjes kane qene motivet banale, por dyshohet edhe konkurrenca mes biznesmeneve qe kishin lokalet ngjitur me njera-tjetren. Gjate grindjes dhe perleshjes, 48-vjecarja ka perdorur nga bishti i fsheses deri tek hekurat qe ka gjetur ne banak dhe guret, duke i lene shenja ne te gjithe trupin rivales se saj ne biznes. Kjo ngjarje ka shokuar te pranishmit deshmitare dhe klientet, qe ishin duke iu drejtuar lokaleve. Mesohet se edhe me pare dy grate kishin pasur perplasje me fjale, me njera- tjetren perseri per shkak te konkurrences. Hetimet po i kryen Prokuroria e Durresit per akuzen e "plagosjes se lehte me dashje".
A. Q.