Shkaterronte dyqanet pas plackitjes, kapet Ndreu

Shkoder- Shkaterronte dyqanet dhe lokalet pas plackitjes, ne pranga "i tmerrshmi" i zones. Pas disa javesh kerkimi, Policia e Shkodres ka mundur te ndaloje nje te dyshuar per "vjedhje me thyerje", i cili po hetohej nga prokuroria vendore. I dyshuari eshte Artan Ndreu 31 vjec, banues ne lagjen "Ndoc Mazi", i denuar me pare per "vjedhje". "Ne baze te hetimeve te kryera rezulton se Ndreu eshte bashkautor ne vjedhjen me thyerje te nje dyqani privat, ngjarje e ndodhur me 15 nentor 2009, ne lagjen "Fahri Ramadani" te qytetit", njoftuan burime zyrtare te policise. Vlera e demit sipas pronarit te dyqanit shkon ne 20 mije leke, kurse Ndreu ka qene person i shpallur ne kerkim qe prej dates 1 shkurt te ketij viti pas zbulimit nepermjet gjurmeve te gishterinjve ne vendngjarje. Aktualisht 31 vjecari hetohet edhe per disa vjedhje te tjera te dyshuara, por qe ende nuk jane provuar. Pas hetimit paraprak, dosja i kaloi prokurorise per vepren penale te "vjedhjes me thyerje ne bashkepunim, me shume se nje here".