Aktivitetet e Ditës së Verës në Elbasan

Elbasan, 10 mas, NOA - Dita e Verës është festa pagane që nuk ka një datë fikse se kur ka nisur festimin. E sigurt është që kjo festë e kthen qytetin e Elbasanit në qendër të gjithë Shqipërisë me këngët, ëmbëlsirat, aktivitetet e ndryshme. Elbasanasve u është kthyer në refleks festimi i kësaj dite, por që janë pothuaj të gjitha qytetet e Shqipërisë që e kanë kthyer datën 14 mars, pra Ditën e Verës në një ditë feste.

Veç ballokumeve Dita e Verës në Elbasan do të nisë sivjet edhe me paradën poetike të Festivalit Poetik Ballkanik Trëndafilat e Elbasanit, në teatrin Skampa.

E veçanta e festimeve të Ditës së Verës këtë vit në Elbasan është pjesëmarrja e një grupi të njohur nga Amerika. Mariachi Imperial de America, grupi më i mirë në Huston, Teksas dhe i njohur në programin televiziv Mirëmëngjes Amerikë vjen në Shqipëri për ti prezantuar publikut shqiptar një përvojë të re kulturore. Një gjini e muzikës meksikane, që kombinon traditën spanjolle me instrumentimin indigjen, Mariachi simbolizon diversitetin e përvojës kulturore amerikane. Mariachi Imperial de America do të japë koncert në datën 14 mars në qendër të qytetit të Elbasanit si pjesë e festimeve të Ditës së Verës. Ardhja e tyre në Shqipëri bëhet e mundur nga Ambasada e Shteteve të Bashkuara në Tiranë.

Festivali Folkloristik Tipologjik Mbarëkombëtar i Këngës Popullore

Në Elbasan, përgjatë datave 11-12 mars do të zhvillohet Festivali Folkloristik Tipologjik Mbarëkombëtar i Këngës Popullore në Teatrin Skampa. Në të marrin pjesë grupe folklorike nga qytetet e Elbasanit, Tiranës, Shkodrës, Lushnjës, Vlorës, Ulqinit, Beratit, Kavajës, Peshkopisë, Fierit, Korçës, Durrësit, Gjakovës etj.

Secili grup folklorik do të sjellë më të mirën e traditës së qytetit të tij.

Dt. 11-12 mars

Ndërsa po në kuadër të Ditës së Verës në Elbasan festa fillon ditë më parë.

Datë 11 mars, ora 18.00

Koncert i Ansamblit Isuf Myzyri me rastin e 30-vjetorit të vënies së emrit, në teatrin Skampa.

(Hapja zyrtare e festimeve të Ditës së Verës)

Datë 12 mars, ora 19.00

Koncert i Ansamblit Isuf Myzyri në sheshin para Kalasë.

Datë 13 mars, ora 11.00

Ceremonia e hapjes së panairit tregtar Dita e Verës, në Pallatin e Sportit Tomorr Sinani.

Ora 18.00

Ceremonia e hapjes së veprimtarive të Festivalit Poetik Ballkanik Trëndafilat e Elbasanit.

Ora 21.00

Koncert i Grupit Muzikor DELADAP, në sheshin përpara Kalasë.

Datë 14 mars

Ora 08.30

Kros i shkollave 9-vjeçare të qytetit, përgjatë bulevardit Qemal Stafa.

Ora 09.00

Karnavalet e shkollave 9-vjeçare të qytetit, përgjatë bulevardit Qemal Stafa.

Ora 09.30

Aktivitete artistiko-kulturore për fëmijë, në sheshin përpara Kalasë.

Ora 12.00

Parada poetike e Festivalit Poetik Ballkanik Trëndafilat e Elbasanit, në teatrin Skampa.

E veçanta e festimeve të Ditës së Verës këtë vit në Elbasan është pjesëmarrja e një grupi të njohur nga Amerika. Mariachi Imperial de America, grupi më i mirë në Huston, Teksas dhe i njohur në programin televiziv Mirëmëngjes Amerikë vjen në Shqipëri për ti prezantuar publikut shqiptar një përvojë të re kulturore. Një gjini e muzikës meksikane, që kombinon traditën spanjolle me instrumentimin indigjen, Mariachi simbolizon diversitetin e përvojës kulturore amerikane. Mariachi Imperial de America do të japë koncert në datën 14 mars në qendër të qytetit të Elbasanit si pjesë e festimeve të Ditës së Verës. Ardhja e tyre në Shqipëri bëhet e mundur nga Ambasada e Shteteve të Bashkuara në Tiranë.

m.s/NOA