Akuzat, Berisha sfide socialisteve

Kryeministri Sali Berisha pas nente muajsh, deklaron serish ne Kuvend se eshte i gatshem te flase per tragjedine e Gerdecit por edhe per ndertimin e rruges Durres-Kukes. Ne kulmin e debatit per hapjen e dosjeve te ish bashkepunetoreve te Sigurimit te Shtetit, kreu i qeverise ju pergjigj nga foltorja e Kuvendit akuzave te vazhdueshme te opozites per Gerdecin dhe abuzimet me rrugen Durres-Kukes. Duke sfiduar te majten, theksoi se eshte i gatshem te pergjigjet. "Nuk ka njeri ne Shqiperi me te interesuar se une per zbardhjen e hetimin e tragjedise se Gerdecit. Por ju e politizoni ceshtjen ne shkalle ekstreme", u kunderpergjigj kryeministri per akuzat disa mujore te selise roze. Po keshtu, ai u shpreh i gatshem te flase edhe per ndertimin e rruges Durres-Kukes. Pothuajse cdo dite, nga selia roze vijne sulme e kritika se qeveria e zhytur ne korrupsion, po tenton cdo dite e me shume te mos zbardhe keto ceshtje. Madje dhe ne seancen e mbremshme plenare, deputetet socialiste, u shprehen se projekti per hapjen e dosjeve, vjen qellimisht per te penguar zbardhjen e ketyre ceshtjeve. Socialistet kane kerkuar vazhdimisht zhvillimin e interpelancave me kryeministrin Sali Berisha, jo vetem per tragjedine e Gerdecit, por edhe per parate e rruges Durres-Kukes e per biznesmenin Damir Fazllic dhe rolin e tij ne Shqiperi.

Shqetesimet

Partia Socialiste kerkon cdo dite, sqarime nga ekzekutivi mbi fondet qe po perdoren ne ndertimin e rruges Durres-Kukes, zbardhjen e tragjedise se Gerdecit e nxjerrjen e fajtoreve, si dhe sqarimin e ceshtjes Damir Fazllic. Thirrje qe u shtuan kur ish ministri i Transporteve, Lulezim Basha nuk u paraqit ne prokurori.