Akuzat për zgjedhjet në Georgia, Trump: Do arrestohem të enjten
Ish-presidenti amerikan Donald Trump do t’i dorëzohet autoriteteve në Georgia për t’u përballur me akuzat për mashtrim për të përmbysur rezultatet e zgjedhjet e 2020-ës.
Njoftimin e ka bërë vetë ish-presidenti i SHBA në rrjetin social X (Twitter), teksa shton se arrestimi i tij do të ndodhë më 24 gusht.
“A mund ta besoni? Unë do të shkoj në Atlanta, Georgia, të enjten për t’u ARRESTUAR nga një prokuror i qarkut Radikal i Majtë, Fani Willis. Ai bëri fushatë dhe vazhdon të bëjë fushatë dhe të mbledhë para për këtë GJUETI SHTRIGASH. Kjo është në koordinim të rreptë me DD [Departamentin e Drejtësisë] të Joe Biden. A do të mund të merrja aeroplanin tim shumë ‘të nënvlerësuar’ me TRUMP-in e artë të vendosur për ta parë të gjithë. Ndoshta jo, do të isha shumë më mirë të bëja reklama fluturuese – jam i sigurt se askush nuk do të më njohë”, shkruan Trump, disa orë pasi dokumentet e gjykatës thanë se detyrimi i tij financiar ishte vendosur në 200 mijë dollarë.
Zyra e sherifit të qarkut Fulton tha në një njoftim për shtyp të hënën pasdite se kur Trump të dorëzohet, do të “bllokohet rreptë” zona përreth burgut.
Në një dokument gjyqësor të postuar në internet, shumat e detyrimeve financiare për 13 akuzat kundër ish-presidentit varionin nga 10 mijë dollarë, për akuza që përfshijnë komplot kriminal dhe paraqitjen e dokumenteve të rreme, deri në 80 mijë dollarë, për një shkelje të Aktit të Georgia Rico, i përdorur shpesh kundër krimit të organizuar.
Trump u akuzua javën e kaluar së bashku me 18 të pandehurit e tij për përpjekje për të përmbysur vullnetin e elektoratit të Georgias duke ndërhyrë në rezultatet e zgjedhjeve të shtetit pas humbjes së tij në vitin 2020 ndaj demokratit Joe Biden.
Ish-presidenti u dëgjua në një telefonatë duke i bërë presion Sekretarit Republikan të Shtetit të Georgias, Brad Raffensperger për të gjetur 11,780 vota.
Ish-presidenti i parë i SHBA që është paditur ndonjëherë, përballet dhe me tre raste të tjera penale. Trump ka mohuar në mënyrë të përsëritur çdo akuzë ndaj tij, duke i quajtur të motivuara politikisht.
Ai aktualisht është duke udhëhequr garën republikane për të sfiduar kandidatin demokrat, në zgjedhjet presidenciale të vitit 2024. Trump ka thënë se do të anashkalojë debatin e parë televiziv republikan të mërkurën në mbrëmje.
“Publiku e di se kush jam dhe çfarë presidence të suksesshme kam pasur. Prandaj nuk do të bëj debate”, tha Trump.
/rtsh.al/