"Akuzat se s'ka rroga per buxhetoret, shpifje"

Keshilli i Ministrave i cilesoi dje si shpifje akuzat e Partise Socialiste, se qeveria shqiptare nuk po jep rroga per administraten. "Prej tre ditesh me radhe, Edvin Rama dhe ekipi i pinjolleve te bllokut, permes mediave te cilat i kane vete nen kontroll dhe konferencave per shtyp, po vazhdojne te shpifin e mashtrojne se qeveria shqiptare nuk po jep rrogat per administraten dhe pensionet per pensionistet e vendit", reagoi zyra e shtypit e kryeministrit Berisha. Sipas saj, kjo eshte nje tjeter genjeshter e turpshme qe Edvin Rama shperndan pa iu skuqur aspak faqja, perpara 800 mije punonjesve dhe pensionisteve te vendit, te cilet kane marre pa perjashtim, cdo njeri prej tyre, rrogen dhe pensionin e plote ashtu sic u takon, si dhe po marrin, si nder te paktit ne Evrope, shperblimin e fundvitit. Ajo theksoi se qeveria shqiptare garanton edhe nje here se pagesat per pagat e pensionet do te shperndahen sipas ligjit dhe nuk do te kete asnje shtyrje pagese. "Qeveria shqiptare ka ne dispozicion fondin prej 15 milione dollaresh, nga i cili do te behet i mundur shperblimi prej 2500 leke per pensionistet, si dhe shperblimin e fundvitit per punonjesit e administrates, shperblim i cili per rrogat e uleta te administrates do te jete 15 mije leke dhe per rrogat e tjera do te jete 10 mije leke", beri te ditur zyrtarja e larte e ekzekutivit.