Alarmi i KQZ: Standardet e zgjedhjeve po cenohen nga vendoret, sillni listat
Komisioni Qendror i Zgjedhjeve, ve alarmin se pushteti vendor, po pengon zhvillimin normal te zgjedhjeve. Zedhenesi i ketij komisioni, Leonard Olli, tha dje per Gazeten "Koha Jone", se bashkite e medha por edhe komunat, po vonojne dorezimin e listave te zgjedhesve atyre paraprake dhe perfundimtare. Po keshtu dhe ndarjen e qendrave te votimit. Ne Kodin Zgjedhor, theksohet se listat perfundimtare te zgjedhesve, duhet te behen publike 30 dite para zhvillimit te zgjedhjeve. Sipas te dhena te KQZ-se, bashkite e medha si Elbasani, Vlora, Korca e te tjera kane keto probleme. Por pas nuk mbeten as minibashkite ne kryeqytet. Kreret e pushtetit vendor, jo vetem qe nuk kane zbatuar ligjin, kane shkelur afatet por dhe po rrezikojne mbarevajtjen e procesit zgjedhor, duke mos dorezuar listat e zgjedhesve si dhe duke mos percaktuar ndarjen e qendrave te votimit. Sipas Ollit, nese pushteti vendor do te vazhdoje te mos reagoje ndaj pergjegjesive, kete here pas gjobitjes do te kete edhe padi penale. Ne baze te Kodit Zgjedhor, kreret e pushtetit vendor do te ndiqen penalisht per perdorim detyre, ne rast se nuk do te zbatojne ligjin. Rreth 70 kryetare te bashkive dhe komunave ne vend u gjobiten pak dite me pare me 50 mije lek gjobe, per mos plotesim te ketyre detyrimeve ligjore. Tashme ndaj tyre nuk mbetet mase tjeter ndeshkimore pervec ndjekjes penale. Diten e sotme, Komisioni Qendror i Zgjedhjeve, do te shqyrtoje ne mbledhjen e paradites dhe listat qe partite politike kane dorezuar per kandidatet e tyre me te cilet do te konkurrojne ne zgjedhjet parlamentare te 28 Qershorit. Lista qe ky komision ja ktheu dite me pare, forcave politike per plotesim te dokumentacionit si dhe te detyrimit ligjor qe 30 per qind e kandidateve te jene femra. R. Rapushi