Alban Skënderaj koncert në Gramsh, kryebashkiaku Ajazi: Festa do përqendrohet në parcelat me livanda

Koncerti “Ëndrra në Livando”, me këngëtarin shumë të dashur për publikun, Alban Skënderaj, do të mbahet të shtunën (29 qershor) në Gramsh. Një koncert i veçantë në llojin e tij, pasi do të zhvillohet pranë një fushe me livanda.

I ftuar në studion e emisionit “Jetë Shqiptare” në RTSH, kreu i bashkisë së Gramshit,  Besjan Ajazi dhe detaje rreth këtij koncerti, teksa tha se do të jetë i kuruar në detaje. Koncerti do të nisë në orën 17:00 dhe do të vijojë për 4 orë.

“Koncertin do e përqendrojmë në parcelat me livanda dhe festën do e çojmë atje dhe jo mbi beton. I kuruar në detaje dhe kemi këngëtarin Alban Skënderaj. Këto aktivitete edhe për të promovuar atraksionet turistike. Vetëm vjet kemi pasur 300-400 grupe fotografësh që kanë realizuar sete fotografike, njerëz që bëjnë sete fotografike në fushat me livando. Kur themi që kemi ujëvarën, kanione, shpella, siç është shpella e Kabashit, themi që kemi edhe fushat e livandës. Qëllimi im është q ëpas 4 viteve, Gramshi të jetë destinacion kryesor malor. Kemi çdo gjë që duhet të ketë një turizëm malor dhe i aventurës. Koncerti do të jetë më 29 qershor nga ora 17:00 deri në 21:00”, u shpreh Ajazi

/rtsh.al/