“Albpetrol”, mediat e huaja: Oferta, mbi dyfishin e çmimit Eglantina Nasi

“Me shume sesa dyfishi i vleres se vendosur nga pala shqiptare per shitjen e aseteve te kompanise shteterore te naftes”. Ky ka qene vleresimi i bere nga media e njohur “Reuters”, ne nje artikull te posaçem, lidhur me oferten maksimale, prej 850 milione eurosh, te paraqitur dy dite me pare ne tenderin per privatizimin e ndermarrjes “Albpetrol”. Referuar saktesisht ofertes se bere nga kompania me baze ne Çikago, “Vetro Silk Road Equity”, “Reuters” ka shtuar mes te tjerash, se kjo vlere eshte ekuivalente me nivelin prej 10% te Prodhimit te Brendshem Bruto te vendit tone, krahasim ky qe ia shton edhe me teper rendesine ekonomike shifres se lartpermendur. Ndersa ka detajuar me tej edhe faktin qe qeveria shqiptare ka parashikuar per bleresin final te “Albpetrol”-it, se do te kete te drejten te perfitoje te gjitha asetet mbitokesore te kesaj kompanie, njekohesisht edhe te drejten per te eksploruar dhe shfrytezuar puset e naftes dhe gazit ne territorin shqiptar per 25 vjet. Madje shton edhe faktin tjeter se “per ta embelsuar” marreveshjen e shitjes se “Albpetrol”-it, qeveria i ka “taksur” bleresit te tij, edhe te drejten per te ndertuar nje rafineri dhe licenca per transportin dhe shperndarjen e gazit natyror. Te tilla fakte, flasin per rendesine qe i jep procesit te privatizimit te kompanise se vetme shteterore te naftes, media e njohur nderkombetare. Gje te cilen e kane bere ne fakt edhe disa media te tjera, si ajo franceze “AFP”, revista e njohur ekonomike “Businessweek” apo edhe vete “Zeri i Amerikes”. Te gjitha kane cituar te flase edhe zevendesministrin i Ekonomise, Sokol Dervishaj, i cili eshte ne te njejten kohe edhe kreu i bordit te shitjes, se “Albpetrol”, i cili deklaroi ne mbyllje te tenderit se dokumentet e ofertes do te shqyrtohen dhe se ende nuk eshte dhene nje date e sakte per shpalljen e fituesit. Po ashtu, “Reuters”, ka dhene informacion edhe mbi kompanite e tjera pjesemarrese ne garen e tenderit per privatizimin e “Albpetrol”, duke saktesuar se kompania “Bankers Petroleum” e Kanadase, ofroi 304 milione euro, “Vin Biznes”, ofroi 298 milione euro, ndersa “Gazpromi rus” dha oferten per vetem 52 milione dollare. Duke dhene ne kete menyre nje informacion te detajuar per lexuesit nderkombetare mbi kete proces mjaft te rendesishem te privatizimeve strategjike ne vendin tone. I cili mund te thuhet se rezultoi i befasishem me rezultatin qe pati ne hapjen e ofertave financiare. Pasi siç permend edhe vete “Reuters”, ajo maksimale, e paraqitur nga amerikanet e kompanise “Vetro Silk Road Equity”, i ofruan Shqiperise per te marre “Albpterolin”, nje shume e cila eshte ne nivelin e 1/10-es se totalit te gjithe GDP-se vendase.