Albtelekom, shperblehen punonjesit per privatizimin
Qeveria miratoi dje nje fond prej 286 milione lekesh, qe do te perdoret per shperblimin e punonjesve dhe drejtuesve te larte "Albtelekomit" pas privatizimit qe pasoi kjo ndermarrje. Keshtu, sipas vendimit te marre dje, per punonjesit e kesaj kompanie si shperblim do te jepen 3 paga mujore dhe per drejtuesit e kompanise telefonike "Albtelekom" do te jepen 4 paga mujore. Po keshtu edhe drejtori i Pergjithshem dhe anetaret e Keshillit Mbikeqyres dhe te Grupit te Negocimit te kontrates per blerjen e aksioneve te kesaj shoqerie do te perfitojne si shperblim nga qeveria 4 rroga mujore.
"Fondi i nevojshem per kete shperblim, ne vleren 286213866 leke do te perballohet nga te ardhurat e privatizimit te "Albtelekom" sha-se" theksohet ne draftin e miratuar dje. Po keshtu ne kete projekt vendim theksohet se shperblimin e perfitojne te gjithe punonjesit dhe drejtuesit, qe kane qene ne marredhenie pune ne daten e nenshkrimit te kontrates se blerjes se aksioneve te kesaj shoqerie. Ne projekt gjithashtu theksohet se punonjesit e kesaj kompanie po shperblehen, ndonese shoqeria rezulton te kete rritur vleren e kapitalit themeltar e vazhdon te konkurroje ne treg. Per zbatimin e ketij vendimi eshte ngarkuar Ministria e Ekonomise dhe ajo e Financave.
F.Mejdini
3 Eshte numri i pagave mujore qe do te perfitojne punonjesit e kompanise "Albtelekom" pas privatizimit te saj. Ndonese kompania vazhdon te konkurroje ne treg, punonjesit e saj jane vendosur te shperblehen me keto paga mujore
4 Jane pagat mujore qe do te perfitojne drejtuesit e kompanise telefonike "Albtelekom". Po keshtu, kete numer pagash si shperblim do ta perfitojne edhe drejtori i Pergjithshem dhe anetaret e Keshillit Mbikeqyres dhe te Grupit te Negocimit