Aleanca “Kuq e Zi” apel partive: Mos zvarrisni numërimin

Aleanca “Kuq e Zi” i ka bërë thirrje partive politike të mos zvarrisin procesin e numërimit të votave. Përfaqësuesit e aleancës i bëjnë thirrje partive të mos vonojnë shpalljen e verdiktit popullor por të lejojnë të numërohet çdo votë.
 

Aleanca “Kuq e Zi” ka kërkuar të mbyllet sa më shpejt procesi i numërimit të votave ndërsa ka kërkuar nga partitë politike të njohin më pas rezultatin e zgjedhjeve.
 

Ndërkohë ditën e djeshme edhe kreu i shtetit Bamir Topi u kërkoi publikisht partive politike dhe përfaqësuesve të tyre zgjedhorë, që me transparencë, shpejtësi dhe përgjegjësi të përmbyllin procesin e administrimit të votave.