Aleancistet: "Ne vend te Petroliferes, jahte"
Rreth 200 persona kane manifestuar gjate dites se djeshme perpara territorit ku po ndertohet Petrolifera ne Gjirin e Vlores. Protesta e Aleances per Mbrojtjen e Gjirit te Vlores ka nisur te ish-kampi i pioniereve, ne zonen e plazhit te vjeter e me tej ka vijuar ne zonen ku aktualisht po ndertohet Petrolifera, ne hyrjen jugore te saj. Alencistet pasi kane deklaruar qendrimin e tyre perpara qytetareve, qe sot nuk kane qene te shumte ne numer, i jane drejtuar zones ku po ndertohet Petrolifera me qellimin per te inauguruar ate qe, sipas tyre, duhet te ndertohet ne kete zone, nje port I madh jahtesh.
Petro Life Labi
Sipas alencisteve, porti i jahteve ne Vlore, eshte ne pronesi te Petro Life Labit, qe nenkupton jeten e labeve dhe vendndodhja e tij eshte tek ish-Petrolifera.
Kane qene keto mbishkrimet mbi banderolen e dizenjuar te projektit qe protestuesit mbanin ne duar. Manifestimi nuk shpetoi pa perplasje ndermjet aleancisteve dhe gardhit te uniformave blu. Perpara portes hyrese te Petroliferes, ishin vendosur me dhjetera police me uniforme, ndersa numri i civileve qe mbikeqyrnin protesten ishte shume i madh.
Negociatat me policine
Aleancistet nuk u lejuan nga policia per t'iu afruar portes se madhe hyrese ne territorin e rrethuar te Petroliferes. Ne kete moment nisen perplasjet me policine. Edhe pse ata vijonin te kerkonin te afroheshin aty per te kryer ritin simbolik qe do te jepte mesazhin e protestes se sotme, policia nuk lejoi qe turma t'i afrohej portes hyrese. Te shtyra te ndersjella u shkembyen mes aleancisteve dhe policise, ndersa u hoqen nga duart e protestuesve disa lopata qe kishin me vete. Gjithesesi, policia nuk shoqeroi askend, por kompromisi u arrit dhe disa protestues u lejuan te afroheshin prane hekurave te tabeles, ku ngjiten draftin e projektit te tyre. Ne te paraqitej hapesira e portit te Petroliferes ku ne vend te depozitave dukeshin disa jahte e varka turistike.
Kerkesa e perhershme
Me tej aleancistet vijuan me fjalimet e tyre ku u shprehen si perhere se do te insistojne ne kerkesen e tyre per referendum, dhe se nuk duhen lejuar te tilla ndertime ne Vlore. Pas kryerjes aktit te grisjes se projektit te Petroliferes dhe vendosjes se projektit te portit te jahteve, pjesemarresit ne proteste u larguan nga zona, duke e cilesuar te mbyllur protesten e djeshme.