Tenderat, pacientet e pediatrise pa ilace

Prinderit e femijeve qe jane shtruar ne repartin pediatrik ne Qendres Spitalore Universitare "Nene Tereza", pervec stresit jane te detyruar te blejne me para ne dore medikamentet per kurim, madje edhe ato baze. Megjithese mjeket dhe shefat e pavijoneve kane vene ne dijeni drejtorine e Qendres Spitalore Universitare "Nene Tereza", mos kryerja e tendereve detyron pacientet ti blejne barnat tek farmacite private. Prej javesh prinderit e femijeve te shtruar ne pavijonin e pediatrise bleje edhe vitaminat C, te cilat megjithese nuk kushtojne shume nuk gjenden ne farmacine e ketij pavijoni. Por nuk jane vetem vitaminat C ato qe mungojne, por edhe medikamentet per dhimbjet e stomakut, antibiotiket e ndryshem si dhe qetesues per ata paciente te cilet jane rende. "Prej disa ditesh ne pavijonin e pediatrise kryesisht por edhe ne pavijone te tjera ndihet mungesa e disa llojeve te medikamenteve baze" pohojne burime te brendshme te QSUT-se. Ndersa, per sa i perket furnizimit te farmacise se ketij spitali me keto lloje barnash ende nuk eshte dhene nje afat i percaktuar.
Mungesat
Mungesat e barnave ne pavijone te ndryshme te QSUT tashme jane kthyer ne nje fenomen te perhershem. Pacientet apo te afermit e tyre zgjidhjen e gjejne tek farmacite private nderkohe qe ne pavijone marrin shume pak barna dhe ato jo te nje cilesie te mire. Gjate kesaj jave shefat e pavijoneve kane kerkuar furnizim me medikamente baze si ato per dhimbjet e stomakut, te cilat ne te shumten e rasteve shoqerojne barnat e renda dhe me efekte anesore. Qetesuesit dhe pikerisht "Luminalet" nuk jane ofruar per pacientet, po keshtu per femijet e shtruar nuk ka pasur as "Vitamina C" te vilat kushtojne vetem 20 leke te reja. "Mungesa te theksuara ka ne medikamente te tilla si Ranital, Vitamine C, Luminal dhe antibiotike. Por pervec ketyre mungojne edhe alkool si dhe leter per kryerjen e EKG-se" pohojne burime te brendshme te QSUT-se.
Tenderet
Megjithese eshte fillim i nje viti kalendarik spitalet e QSUT-se nuk duhet te ndienin mungesen e medikamenteve pasi buxheti i 2008 sapo eshte shperndare. Megjithese ne ambientet e farmacise se kesaj qendre spitalore raportohet per mungese te ambienteve per barnat e reja, perseri pavijonet kane mungese te barnave. Duket se tenderet per blerjen e medikamenteve per pediatrine por edhe nje pjese te pavijoneve te tjera nuk jane kryer. Sipas drejtuesve te QSUT-se, per te mos pasur mungesa te medikamenteve rekomandohet blerja e barnave me prokurim te drejtperdrejte pasi dihet se cilat jane cmimet e ketyre medikamenteve. "Blerja e medikamenteve me tender sjell vonesa edhe disa mujore. Nderkohe qe blerja me prokurim te drejtperdrejte zgjidh edhe problemet qe hasen shpesh here ne pavijonet e QSUT-se" eshte shprehur pak kohe me pare drejtori i QSUT-se, Mati Pepa. Sipas tij, per kete vit megjithese eshte rritur buxheti i QSUT-se ne krahasim me vitin e kaluar, perseri fondi i barnave mbetet nen nivelet e kerkuara.
Statusi
Drejtuesit aktuale te Qendres Spitalore Universitare "Nene Tereza", kane kerkuar ndryshimin statusit te ketij institucioni ose te ardhurat dytesore te perdoren nga vete ata. Sipas tyre keto zgjidhje jepen qe spitalet te mos mbeten pa ilace. "Nje menyre eshte qe institucioni te lihet keshtu sic eshte sot, por te dale nje urdherese per perdorimin e te ardhurave dytesore nga vete institucioni. Ndersa menyra tjeter eshte ndryshimi i statusit, pra kalimi ne nje shoqeri sherbimesh publike e cila i siguron vete te ardhurat dhe i menaxhon ato" ka pohuar Pepa, pas shperndarjes se buxhetit ne institucionin qe drejton. Prej vitesh spitali terciar vuan mungesen e fondeve dhe shtesave ne buxhet. Por, nese do te kishin ne perdorim te ardhurat dytesore do te mund te siguronin medikamentet dhe nevojat e perhershme te QSUT-se.
Barna tek privati edhe per 2008
Spitali onkologjik edhe per kete vit nuk mund te plotesoje kerkesat e pacienteve me barna baze dhe sidomos me citostatike. Pak dite me pare shefi i sherbimit te ketij spitali ka pohuar se nevojiten 8.5 milione euro ne vit per te perballuar te gjitha nevojat, nderkohe qe buxheti i ketij viti per kete sherbim eshte vetem 4 milione euro. Kjo do te thote se edhe per 2008 pacienteve do u duhet qe t'u drejtohen farmacive private. "Kur ka mungesa, sigurisht qe pacientet i drejtohen sektorit privat, i drejtohen blerjeve jashte shtetit per ata qe kane mundesi. Keto jane rruget e blerjes dhe kurimit", ka theksuar shefi i onkologjise. Sipas tij, ka edhe raste kur medikamentet nuk gjenden ne vendin tone, blerjet behen jashte vendit.
Tabela
Barnat qe mungojne
Ranital Ilac per dhimbjet e stomakut
Vitamine C Ilac per infeksione dhe grip
Luminal Qetesues
Antibiotike Ilace te ndryshme kunder infeksioneve
Alkool Per desefektim
Leter EKG Nxjerrjen e te dhenave pas ekzaminimit
Reagent Solucion per kryerje te analizave