Alergjite gjate stines se pranveres

Nëse për më shumë se një javë keni kollë, teshtima të shpeshta, bllokim të rrugëve të frymëmarrjes apo edhe lotim apo kruarje të syve bëni mirë të drejtoheni tek mjeku pasi polenet e luleve mund t’ju kenë shkaktuar alergji, e cila në rast se nuk mjekohet si duhet mund të kthehet në kronikë apo në asmë bronkiale.
Alergjitë janë një nga sëmundjet karakteristike të stinës së pranverës dhe sipas mjekëve në këtë sezon gjendja shëndetësore e të sëmurëve kronike, por edhe atyre personave që janë alergjikë e që nuk mjekohen rregullisht mund të agravohet prandaj mjekët theksojnë shmangien e mjediseve ku polenet e luleve janë të pranishme pavarësisht se sipas mjekëve nuk kemi ende dyndje të rasteve, por problemet e para tek këto pacientë janë shfaqur.