Alibeaj, projekt-ligji sipas standardeve te BE-se

Tirane - "Projekt-ligji per administraten gjyqesore eshte sipas standardeve te BE-se dhe jo nje cenim i pavaresise se gjyqesorit. Ky projektligj jep para dhe garanci per administraten e gjyqesorit", keshtu ka deklaruar dje, ministri i Drejtesise, Enkelejd Alibeaj per gazeten "Koha Jone" duke sqaruar rendesine e tij, si dhe arsyet pse duhet te miratohet ai ne parlament. Projekt-ligji per administraten gjyqesore eshte kundershtuar ashper nga disa gjyqtare, krere gjykatash apo dhe anetare te Keshillit te Larte te Drejtesise, gjate nje mbledhje te zhvilluar pa rend dite. Por pavaresisht kundershtimeve te bera, Alibeaj shpjegon rendesine e ketij projekt-ligji, i cili nuk cenon asnje nga palet, si dhe nuk i "gradon" me kompetenca kancelaret e gjykatave sipas pretendimeve te gjyqtareve. Dy jane shtyllat ne te cilen mbeshtetet ky projektligj, i kerkuar nga perfaqesuesit e Bashkimit Evropian. Shtylla e pare sipas ministrit mbeshtetet ne garancine per administraten gjyqesore. Emerimet dhe shkarkimet behen prej ligjit. Nga ana tjeter emerimi duhet te behen sipas statusit te punonjesit civil, emerim i cili behet me konkurrence. Shtylla e dyte ne te cilen mbeshtet projektligji konsiston ne faktin qe administrata e gjyqesorit duhet te jete e mire organizuar, si dhe projektligjin e ri dyfishohen pagat e administrates. "Funksioni i administrates eshte funksion i karrieres. Per te bere perpara duhet te kalosh ne filtrin e administrates gjyqesore, per te futur kembet ne gjyqesor", sqaroi dje, Ministri i drejtesise, Enkelejd Alibeaj. Sipas tij nuk ka perplasje mes kancelareve dhe kryetareve te gjykatave. Detyra e gjyqtareve eshte te bejne gjyqe dhe te japin drejtesi, ndersa kancelari merret me pjesen administrative, me rregullimin e nevojave te gjyqtareve, si boje, leter, karrige, ku pikon catia etj. "Keto jane dy funksione te ndryshme. Thelbi eshte se e gjithe administrata gjyqesore eshte ne sherbim te gjyqtareve. Kancelari eshte administrator ne cdo kerkese qe paraqet gjyqtari, kerkese qe do ta zbatoje. Ky eshte standardi i kerkuar nga BE-ja", ka vazhduar dje ministri. Mesohet se projektligji per administraten gjyqesore ka nisur qe prej viti 2006 nga perfaqesuesit e BE-se dhe per dy vite me radhe eshte diskutuar, diskutime keto te cilat jane bere edhe ne bashkepunim me EURALIUS. "Nuk behet fjale per dualizem te kryetarit dhe kancelarit. Kancelari ka per detyre te permbushe detyrimet e gjyqtareve sipas nevojave te tyre. Gjyqtaret bejne gjyqtarllekun, kurse kancelari hamallekun", sqaron Alibeaj. Ligji per administraten gjyqesore, sipas ministrit nuk merret me kompetencat e njeri apo te tjetrit sepse jane sanksionuar ne ligjin "Per organizimin dhe funksionimin e administrates gjyqesore" i miratuar ne janar te ketij viti ne parlament. Rendesine e ketij projekt-ligji eshte sqaruar dje ne mbledhjen e KLD-se ne te cilen moren pjese te gjithe kryetaret e gjykatave ne vend. Alibeaj iu ka sqaruar kryetareve te gjykatave se ky eshte nje ligj i mire. Ndersa lidhur me ngritjen e Gjykates Administrative, sipas ministrit eshte ndjekur nga USAID, i cili do asistoje ngritjen konkrete te ketyre gjykatave. Ne mbledhjen e djeshme ministri ka argumentuar se projekt-ligji per administraten, ka pasur konsultime me grupet e interesuara. "Prej 21 gushtit duhet ta kishit pare ju te KLD-se kete ligj, por s'ka gje, me mire vone e se kurre. Drafti eshte nje rregullore brenda gjykatave, eshte gati dhe eshte metode mjaft e mire", ka qene sqarimi i bere dje nga ana e ministrit, kryetareve te gjykatave dhe anetareve te KLD-se.