Altin Basha: "Amadeus", sfida joshese per cdo artist Izaura Ndoj

Wolfgang Amadeus Moxart, njeriu, muzika, cmenduria dhe vrasja e kompozitorit do te rrefehen sonte ne sallen e Teatrit Kombetar ne dramen "Amadeus", e dramaturgut Peter Schaffer. Ne Teatrin Kombetar, vepra "Amadeus" do te vije si nje drame e mirefillte me te gjithe parametrat artistike te teatrit. Historia e "Amadeus" ka korrur sukses ne skenat teatrore neper bote, ndersa eshte cilesuar si nje drame psikologjike, e cila do te preke skenen shqiptare fale punes disavjecare te regjisorit Altin Basha. "Ky produksion nuk eshte ambicioz vetem per faktin se kemi te bejme me nje autor te madh, por, vecanerisht, sepse rralle ne nje pjese teatri gjenden te trajtuara me aq mjeshteri dhe fuqi probleme universale, si marredhenia e talentit dhe mediokritetit, vendi i artistit ne shoqeri, ceshtje te madheshtise se operes dhe vleres se muzikes ne historine e njerezimit", shprehet regjisori Altin Basha. Per regjisorin, pasuria gjuhesore, karakteret e skalitura, dramaciteti i forte, struktura dramatike, natyra "brehtiane" e bejne "Amadeus"-in nje sfide joshese per cdo artist. Ndersa drejtori i TK-es, Kristaq Skrami, e cilesoi kete premiere si nje nder me te vecantat e repertorit teatror. "Eshte nje veper qe i shtohet repertorit te Teatrit Kombetar gjate gjithe ketyre viteve, eshte nje veper qe per nga problematika qe ajo ka eshte prezente pothuajse ne teatrot prestigjioze sot ne Evrope". E perkthyer nga Rovena Vyshka, drama "Amadeus" do te ngjise ne skene ne rolin e Salierit, Fatos Selen, ne rolin e Moxartit, Marin Orhanasin; Eni Jani do te vije si Kostanca, Romir Zalla si Venticello 1, dhe Gazmend Paja si Venticello 2, etj. Ne skene, regjisori Altin Basha rikthen dhe aktore te njohur si Ahmet Pasha, qe vjen ne rolin e Van Suiten, si dhe Vangjel Tocen ne rolin e Rozenbergut.