Ambasadorët e vendeve të QUINT-it shkojnë në zyrën e Albin Kurtit

Ambasadorët e Shteteve të Bashkuara të Amerikës, Mbretërisë së Bashkuar, Francës, Gjermanisë e Italisë kanë shkuar sot për takim me Kryeministrin Albin Kurti. Lajmin e ka konfirmuar zëdhënësi i Qeverisë, Përparim Kryeziu. Megjithatë, ai s’ka dhënë detaje për temat që po diskutohen.

Takimi vjen pas reagimit të Zyrës së BE-së në Prishtinë rreth vendimit të Qeverisë së Kosovës për shpronësimin e tokës për interes publik në Leposaviq dhe Zubin Potok.

“BE-ja u kërkon autoriteteve të Kosovës që t’i përmbahen rreptësishtë procedurave ligjore në shpronësimin e pronës së paluajtshme, të bëjnë të pamundurën për të siguruar që të ndiqet procesi i rregullt dhe se të drejtat pronësore të pronarëve të prekur dhe mbajtësve të interesit respektohen plotësisht”, thuhej në reagimin e BE-së.

Një ditë më parë, kryeministri Albin Kurti priti në zyrën e tij emisarin e BE-së, Miroslav Lajçak, i cili erdhi në Prishtinë për të diskutuar hapat e mëtejshëm në dialog, si dhe shqetësimet e tij për situatën e sigurisë në veri të vendit.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu