Amnistia, biznesi përfitoi 100 milionë USD deri tani
Zv.ministri i Financave, Alfred Rushaj, tha se deri më tani vlera e përfitimit arrin 10 miliardë lekë. Biznesit i falen të gjitha gjobat dhe kamatëvonesat, por duhet të paguajë deri 50 për qind të principalit të borxhit
Mbeten edhe tre muaj kur amnistisë fiskale i vjen fundi dhe deri më tash biznesi ka përfituar 10 miliardë lekë nga procesi. Shuma mbetet ende mjaft e vogël në raport me vlerën që mbart amnistia fiskale. Zv.ministri i Financave, Alfred Rushaj, u shpreh dje për mediat se efekte ky ligj, krahas përfitimit disaplanesh si detyrime të papaguara tatimore, doganore, ka patur edhe nga legalizimi i aseteve dhe kapitaleve. Sipas Rushajt, rritja e interesit të bizneseve dhe individëve për të përfituar nga ky ligj pritet të çlirojë kapitale që do t’i japin frymëmarrje dhe ekonomisë së vendit. Në bazë të Ligjit të Faljes, përfituesit më të mëdhenj do të jenë qytetarët që do të deklarojnë të ardhurat e tyre, pasuritë e tyre si dhe do të përfitojnë nga falja e të gjitha detyrimeve të papaguara, si lokale ashtu dhe nacionale. Gjithashtu, do të jenë përfitues bizneset e vegjël dhe të mëdhenj, të cilëve do t’u falen detyrimet si dhe do të kenë mundësi të legalizojnë asetet e tyre. Por ngelet akoma e pa sqaruar sesi do të funksionojë administrimi i procesit nga ana e institucioneve fiskale dhe bankare në vend. Ministria e Financave i ka bërë publike procedurat sesi do të veprojnë kategoritë përkatëse, për të përfituar nga ligji i faljes fiskale, i cili ka hyrë në fuqi dhe do të jetë aktiv deri në përfundimin e procesit më 31 dhjetor 2012. Të gjithë individët, persona fizikë apo juridikë, shoqëri tregtare që parashikohen në ligj, do të legalizojnë kapital apo rivlerësojnë pajisje, makineri dhe objekte, do të përfitojnë nga falja tatimore, doganore, apo do të hipotekojnë apartamentet, sipas udhëzimeve të publikuara në Fletoren Zyrtare, do t’i nënshtrohen fillimisht plotësimit të formularit. Duke iu referuar udhëzimit në fjalë, individi, personi fizik tregtar apo përfaqësuesi i tij që ka për të legalizuar kapital plotëson në dy kopje formularin e aplikimit sipas shtojcës nr.1 bashkëlidhur dhe pjesë përbërëse e këtij udhëzimi, për depozitim shumash në të holla në një numër llogarie bankare të hapur prej tyre për këtë qëllim. Formulari i aplikimit me hyrjen në fuqi të këtij udhëzimi, vihet në dispozicion të aplikuesit nga të gjitha bankat e licencuara nga Banka e Shqipërisë. Aplikuesi do t’i paraqesë punonjësit të bankës dokumentin e identifikimit së bashku me formularin të aplikimit të plotësuar, duke i bashkëlidhur edhe fotokopjen e noterizuar të dokumentit të identifikimit. Ndërsa biznesit i falen të gjitha gjobat dhe kamatëvonesat, por duhet të paguajë deri 50 për qind të principalit të borxhit. Ndërkohë që përfaqësues të bankave tregtare janë shprehur pak ditë më parë se deri më sot nuk është kryer pothuajse asnjë veprim për legalizimin e kapitaleve, pasi ka munguar promovimi. Por numri dy i dikasterit të Financave thotë se së shpejti do të nisë një fushatë sensibilizuese dhe informuese për rritjen e pjesëmarrjes dhe përfitimit të bizneseve e individëve nga Ligji i Faljes.
Numri dy i dikasterit të Financave thotë se së shpejti do të nisë një fushatë sensibilizuese dhe informuese për rritjen e pjesëmarrjes dhe përfitimit të bizneseve e individëve nga Ligji i Faljes.
Vlera e abuzimeve me shpenzimet sipas institucioneve
Pushteti qendror
Ministria e Turizmit 14.9 milionë lekë
QSUT 13 milionë lekë
Drejt. e Përgj. e Ujësjellësve 5.8 milionë lekë
Ministria e Mbrojtjes 1.2 milionë lekë
Drejtoria e Menaxh. të Tokave 1 milionë lekë
Ministria e Shëndetësisë 112 mijë lekë
Drejtoria e Sigurimit të informac. 77 mijë lekë
Drejtoria e rezerva të Shtetit 67 mijë lekë
Drejtoria Arsimore Tiranë 49 mijë lekë
Ministria e Arsimit 43 mijë lekë
Ministria e Bujqësisë 14 mijë lekë
36.5 milionë lekë
Pushteti vendor
Bashkia Durrës 21.7 milionë lekë
Tiranë, Njësia 6 13.5 milionë lekë
Bashkia Fier 2.7 milionë lekë
Bashkia Shkodër 2.5 milionë lekë
Bashkia Sukth 1,6 milionë lekë
Njësia 2 Tiranë 1.2 milionë lekë
Bashkia Gjirokastër 1 milion lekë
Bashkia Elbasan 1 milion lekë
Komuna Shëngjin 870 mijë lekë
Bashkia Korçë 832 mijë lekë
Komuna Bërdicë 815 mijë lekë
Bashkia Koplik 768 mijë lekë
Komuna Otllak 590 mijë lekë
Këshilli i Qarkut Lezhë 519 mijë lekë
Bashkia Sarandë 471 mijë lekë
Komuna Vllahi 357 mijë lekë
Bashkia Fuhsë-Krujë 271 mijë lekë
Komuna Pojan 220 mijë lekë
Bashkia Ballsh 216 mijë lekë
Komuna Dushk 78 mijë lekë
Njësia 11 Tiranë 71 mijë lekë
Komuna Bërzhitë 45 mijë lekë
Bashkia Roskovec 28 mijë lekë
--------------------------------------------------
Totali 51 milionë lekë
Projektet
Rruga Lushnjë - Fier 25 milionë lekë
Projekti Cilësi dhe Barazi në Arsim 289 mijë lekë
Rrjeti hidrik i Tiranës 2.1 milionë lekë
Ndërtimi spitalit Kavajë 4.4 milionë lekë
Transmetimi i Energjisë 9.8 milionë lekë
Totali 42.7 milionë lekë