Anemia, sëmundja nga e cila vuajnë më shumë sportistët

Një nga sëmundjet që prek më shumë sportistët e elitës është anemia. Një anomali që shfaqet tek shumë sportistët e që janë të lidhur me disiplina si garat e gjata të vrapimit, çiklizmi apo noti. Arsyeja e shfaqjes së anemisë është mungesa e hekurit në organizmin e këtyre atletëve.

Shumë herë kemi dëgjuar të thuhet se "e lanë forcat", apo "pati një ditë të keqe". Kur ka mungesë hekuri, rendimenti fizik i një sportisti bie. Atletët më të mirë të distancave të gjata, siç janë kenianët dhe etiopianët, janë më të rrezikuar nga anemia edhe pse ushqehen normalisht, pasi ata kanë mungesë hekuri.