Anglia, Terry demtohet ne shpine

Dy dite para ndeshjes me Kazakistanin ne “Wembley”, Anglia ka humbur nje prej lojtareve me te rendesishem. Mbrojtesi i Chelsea, John Terry do qendroje jashte fushes per shkak te nje demtimi ne shpine.

Mundesite jane te vogla qe Terry te luaje edhe ne transferten e veshtire te Minskut kunder Bjellorusise diten e merkure. Vendin e titullarit te “Tre Luaneve” do ta zere mbrojtesi i West Ham, Matthew Upson, i cili do ndihmoje ne qender te repartit difensiv kapitenin Rio Ferdinand.

Capello shikon telashe edhe ne sulmin e skuadres, ku Emile Heskey nuk ka mundur te rekuperohet per ndeshjen e se shtunes. Sulmi do te nise qe nga minuta e pare me dyshen Wayne Rooney-Peter Crouch.

Per keto dy ndeshje do te jete i gatshem Steven Gerrard, i cili nuk mundi te riaftesohej ne kohe per takimet e para kunder Andorres dhe Kroacise. Anglia renditet ne vendin e pare te grupit me 6 pike te plota dhe ne dy ndeshjet e radhes, ishulloret do tentojne te bejne te njejten gje per te hedhur nje hap te madh drejt Afrikes se Jugut.