Ankesat e nxenesve, pezullohet nga puna mesuesi pedofil

BERAT- Ngacmimet seksuale ndaj nxeneseve te shkolles 9-vjecare Ciflik, kane detyruar prinderit t'i drejtohen Drejtorise Arsimore Berat, me nje peticion. Ne peticion prinderit shpjegonin sjelljet jo te hijshme, te mesuesit te matematikes. Per kete shkak ata i kerkojne Drejtorise Arsimore te marre masa per pezullimin nga puna te mesuesit, deri ne marrjen e nje vendimi tjeter. Engjell Bregu, mesuesi i lendes se matematikes ne shkollen nente- vjecare te fshatit Ciflik, ne komunen Poshnje te rrethit te Beratit, eshte denuar edhe me pare per vepren penale te "kryerjes se veprave te turpshme". Ai qe prej dites se djeshme nuk do te jape mesim ne kete shkolle. Burime prane Drejtorise Arsimore bejne me dije se, urdhri per pezullimin e Bregut nga mesimdhenia ka mberritur ne drejtorine e shkolles ku dhe i eshte komunikuar mesuesit. Sipas burimeve, mesuesi eshte njohur dje me kete vendim te marre deri ne momentin e nje urdhri te dyte. Vete drejtori i Drejtorise Arsimore ne Berat, Yzedin Hima beri te ditur faktin e pezullimit nga detyra te mesuesit 50-vjecare te lendes se matematikes, Bregu. Hima theksoi per kete problem se menjehere sapo u njoh me peticionin e hartuar nga ana e Drejtorise se Shkolles dhe u firmosur nga 13 prinder, eshte marre urgjentisht me kete problem duke u njohur me akuzat e ngritura ne peticion, por dhe thirrur ne nje takim vete mesuesin e akuzuar dhe drejtorin e shkolles 9-vjecare. Hima vendosi te pezulloje mesuesin nga puna me motivacionin "thyerje te dispozites normative". Ne vitin 2004, Gjykata e Beratit e denoi Bregun, me 7 muaj burg.

E. Hazizolli

Akuza

Engjell Bregu, mesuesi i matematikes u akuza tre dite me pare nga 13 prinder per sjellje jo te mire me nxenesit, paraqitje ne shkolle ne gjendje te dehur, kryerje e ekskursioneve pa lejen e drejtorit. Keto kane qene akuzat e ngritura zyrtarisht ndaj mesuesit, ne peticion, pasi prinderit jane ankuar ndaj tij duke e akuzuar dhe per ngacmime te vajzave, me ane te prekjes.