Anulohet ceremonia "Golden Globe"
Ceremonia e "Globit te arte" eshte anuluar pas nje bojkoti te aktoreve kandidate per cmimet e shtypit te huaj te Hollivudit. Keto cmime duhej te dorezoheshin te dielen ne 13 janar, por ne vend te ceremonise do te mbahet vetem nje konference per shtyp, ku do te shpallen fituesit e statujave. Me kete veprim, aktoret kane vendosur te tregojne solidaritet me skenaristet hollivudiane, te cilet ndodhen ne greve qe nga 5 nentori i kaluar. Kjo eshte hera e pare qe ceremonia e "Golden Globe", nje prej mbremjeve me te bukura te Hollivudit, e cila u paraprin cmimeve "Oskar", nuk do te zhvillohet. Madje, sipas disa burimeve jozyrtare, nese situata do te vazhdoje me kete ritem, rrezikohet edhe vete mbremja simbol e Hollivudit, ajo e cmimeve "Oskar". Mediat amerikane shkruajne se prezantuesi John Stewart mund te perfundoje me fare pak protagoniste ne skenen madheshtore te ketij evenimenti kinematografik. Jane mbi 70 aktore, duke filluar qe nga George Clooney e Angelina Jolie, e deri tek Tom Hanks dhe Cate Blanchett, te cilet moren vendimin per te mos u prezantuar ne ceremonine e ndarjes se cmimeve "Globi i arte".