Sllovenia kerkon marreveshjen brenda ketij muaji
Bashkimi Evropian po krijon nje grup pune te vecante, me qellim per te bere me te lehte integrimin e Serbise ne bllok. Ka qene kjo deklarata e ministrit te Jashtem te Sllovenise, Dimitrij Rupel, vendi i te cilit mban presidencen e radhes se Bashkimit Evropian. Sipas tij, Sllovenia deshiron qe BE-ja te nenshkruaje Marreveshjen e Stabilizim-Asociimit me Serbine brenda ketij muaji. "Une jam nje nga ata, te cilet besojne se MSA-ja duhet te nenshkruhet sa me shpejt te jete e mundur, brenda ketij muaji", - ka thene Rupel gjate nje konference per shtyp. Sipas tij, vendimi per krijimin e nje grupi pune u mor pikerisht dje, gjate takimit qe ai pati me komisionerin evropian te zgjerimit, Olli Rehn. Rupel tha se Serbia duhet te bashkepunoje plotesisht me Gjykaten Nderkombetare Kriminale per ish-Jugosllavine (ICTY), perpara se te nenshkruaje marreveshjen. Sipas tij, Beogradi duhet te beje cdo perpjekje per te nxjerre para drejtesise dy te shumekerkuarit e Hages, Radovan Karaxhic dhe Ratko Mlladic, te cilet akuzohen per krime lufte dhe gjenocid. Qeveria holandeze e ka bere te qarte se nuk do te pranoje nenshkrimin e MSA-se me Serbine, nese gjenerali Mlladic nuk arrestohet dhe ekstradohet me pas ne Gjykaten e Hages. Por ambiciet e shefit te politikes se jashtme sllovene mund te perballen me kundershtimin e Beogradit. Serbia do te mbaje ne 20 janar zgjedhjet presidenciale, dhe mbase nuk deshiron te nxitoje ne nenshkrimin e marreveshjes me BE-ne, pa permendur deklaratat e kryeministrit serb, Voisllav Koshtunica, qe BE-ja duhet te zgjedhe mes nenshkrimit te MSA-se me Serbine dhe dergimit te misionit civil ne Kosove. Kjo e fundit do te jete tema kryesore e diskutimeve te ministrit te Jashtem serb, Vuk Jeremic, i cili takohet sot me zyrtare te larte te BE-se ne Bruksel. Jeremic u takua dje me shefin e politikes se jashtme evropiane, Havier Solana, i cili pas takimit tha se pjesa me e madhe e vendeve evropiane bien dakord me kendveshtrimin e Beogradit, qe Serbia ka bere gjithcka per te siguruar bashkepunim te plote me ICTY-ne. Sipas Jeremicit, Solana ka shprehur besimin se BE-ja do te arrije nje konsensus brenda 28 janarit per nenshkrimin e MSA-se me Serbine. Nga ana tjeter, ministri i Jashtem serb theksoi paralajmerimin e Beogradit ndaj vendeve qe do te njohin pavaresine e Kosoves, duke thene se keto vende do te perballen me nje rishikim te marredhenieve me Serbine.