Apeli le ne burg zyrtaret e Kasharit
Gjykata e Apelit vendosi te lere ne qeli deri ne perfundim te hetimeve tete te pandehurit e operacionit “Kashari 2”, qe akuzohen per abuzime me pronat e komunes se Kasharit ne Tirane. Gjykata e Apelit vleresoi masat e sigurise "arrest me burg" per shtetasit Alfred Sulaj, 33 vjeç, kryetari i komunes Kashar; Naim Karaj, 45 vjeç dhe Faik Fejza, 56 vjeç, ish-kryetaret e kesaj komune per periudhen 2000-2003 dhe 2003-2007; Islam Shera, 65 vjeç, ish-kryeplak i kesaj komune; Shefqet Alikaj, 51 vjeç, ish-pergjegjes ne zyren e Kadastres; Ismail Sulaj, 42 vjeç; Xhevahir Hyka, 43 vjeç, banues ne Kashar. E njejta mase sigurie u vleresua edhe per shtetasin Ilir Sula, 33 vjeç, ish-shofer i kryeplakut te komunes Kashar, i cili u arrestua gjate operacionit “Kashari 2” me nje arme pistolete “TT”, pa leje. Gjate seances se djeshme, togat e zeza te Apelit moren ne shqyrtim ankimimet per masat e sigurise "arrest me burg" qe kishte vendosur pak dite me pare ndaj tete te pandehurve te ketij operacioni Gjykata e Shkalles se Pare, Tirane. Nderkohe, kjo seance u shoqerua me proteste nga banoret e komunes se Kasharit qe kerkonin dhenien e drejtesise per abuzimet me pronat ne kete komune. Ata kerkonin denimin e fajtoreve dhe zgjidhjen e problemeve te prones ne zonen periferike te Tiranes. Tete te pandehurit e ketij procesi u arrestuan ne fillim te ketij muaji ne Tirane, ne kuader te operacionit “Kashari 2”, i cili u organizua nga Drejtoria e Pergjithshme e Policise se Shtetit, ne bashkepunim me njesine Task Force ne Prokurorine e Rrethit Gjyqesor Tirane. Sipas hetimeve paraprake, te kryera me metoda speciale te hetimit, shtetasit e mesiperm dyshohet se ne bashkepunim me njeri-tjetrin kane falsifikuar dokumentet e ndarjes se tokes, kane pajisur me vertetim pronesie persona te ndryshem, jo banore te komunes Kashar, kundrejt perfitimeve te paligjshme. Madje, personat qe kane perfituar padrejtesisht toke rezultojne te aferm, familjare ose miq te te arrestuarve te operacionit “Kashari 2”. Atyre iu bllokuan me cilesine e proves materiale shume dokumente dhe formulare qe komprometojne veprimtarine e tyre ne ushtrimin e funksioneve qe kryenin si perfaqesues vendore ne komunen e Kasharit, ne Tirane.
20 Dhjetor 2007