Arbitrazhi, 85 mije dollare per "S.Saranda"

Keshilli i Ministrave vendosi dje te bej pagesen me transferte bankare, ne shumen 85.000 (tetedhjete e pese mije) USD, te shpenzimeve administrative te arbitrazhit nderkombetar, per ceshtjen "S.Saranda", kunder Shqiperise qe zhvillohet ne Gjykaten Nderkombetare te Arbitrazhit, prane Dhomes Nderkombetare te Tregtise, ne Paris (France). Sipas vendimit, fondi prej 85.000 (tetedhjete e pese mije) USD, i konvertuar ne leke, me kursin e kembimit te Bankes se Shqiperise, ne daten kur do te kryhet pagesa, i jepet Ministrise se Ekonomise, Tregtise dhe Energjetikes, per te bere pagesen. Ne draft theksohet se efektet financiare qe rrjedhin nga zbatimi i ketij vendimi, te perballohen nga fondi rezerve i buxhetit te shtetit.