Argita Malltezi: Rama po perpiqet te justifikoje veprimet e tij te paligjshme
Argita Berisha Malltezi akuzoi sot lidershipin socialist, se po perpiqet te perdore veprimet e saj te bazuara ne ligje, per te justifikuar veprimet e tij te paligjshme. Permes nje deklarate per shtyp, vajza e kryeministrit sqaroi dhe njehere tjeter sulmet e ardhura nga PS, per pasurine e saj dhe per korrespodencen me biznesmenin Ansar. “Sot z.Rama vazhdoi serialin e tij te shpifjeve e sulmeve politike ndaj meje, ne konferencen e tij te shtypit dhe me tellallet e tij te paguar. Z Rama, cdo dite qe kalon ju beheni me qesharak para shqiptareve, por dhe i mjere, kur perpiqeni te perdorni veprimet e mia te bazuara ne ligje, per te justifikuar veprimet tuaja te paligjshme dhe akoma me keq, kur i perdorni keto sulme per t’ju shmangur si burracak transparences qe te detyron ligji i vendit”, shprehet Argita Malltezi ne deklaraten e saj. Gjithashtu ajo thekson se standardi i saj me te kryetarit Rama ndryshon, sepse ajo ka bere transparente gjithe pasurine e saj. “Jua perseris dhe nje here, qe standardet e mia te transparences dhe respektimit te ligjit gjate aktivitetit tim, dallojne si dita me naten me ato tuajat dhe sa me shume perpiqesh te shpetosh duke i krahasuar, aq me i pabesueshem dukesh para publikut. Z Rama, tarifat e punes sime si avokate, une i kam patur publike dhe ne perputhje te plote me ligjin e avokatise. Une ju ftoj ju, te beni publike burimin e 100 milioneshit te huase pa interes te znj. Lindita Basha, si dhe te gjitha faturat e investimit prej 1 milione euro ne pallatit 5-katesh te familjes se saj, tatimet e paguara per to dhe transaksionet bankare per financimin e tij”. Ardita Malltezi i ka kujtuar kryetarit te opozites, se ajo nuk ka cenuar asnjehere te drejten private te ndonjerit, ashtu sic ka bere Rama me dhenien e lejes se ndertimit te pallatit 5-katesh te familjareve te bashkeshortes se tij. “Z. Rama, une per kohen qe kam ushtruar avokatine, cmimin e shitjes se tokes private tek te interesuarit, ua kam njoftuar haptas sipas kerkesave te pronarit privat, pa detyruar asnjeri te bleje apo te mos bleje, sic demonstron dhe korrespondenca, te cilen ti keq lexon dhe pa cenuar asnje interes privat te ndokujt. Kurse ju zoti Rama, ne emer te nenit 62 te ligjit te urbanistikes, i anuluat lejen e ndertimit familjes Frasheri dhe i dhate ne po te njejtin vend, leje ndertimi ne sheshin e pallateve bashkeshortes suaj, ne shkelje flagrante te po te njejtit nen”, eshte shprehur zonja Malltezi.