Argjentina ashpërson akuzat kundër Britanisë

Ministri i Jashtëm i Argjentinës ka akuzuar Britaninë e Madhe se ka dërguar një nëndetëse bërthamore në Atlantikun e Jugut, pasi bëri një ankesë zyrtare në OKB mbi mosmarrëveshjet mbi Ishujt Falkland.

Hector Timerman kërkoi që britanikët të konfirmojnë vendndodhjen e nëndetëseve bërthamore në rajon.

Por zyrtarët e Mbretërisë së Bashkuar thanë se akuzat e militarizimit ishin "absurde".

Shefi i OKB-së, Ban Ki-Moon, më herët u bëri thirrje dy palëve që të shmangin një përshkallëzim të tendosjeve mbi Ishujt Falkland.

Dy vendet zhvilluan në vitin 1982 një luftë për këta ishuj.