Arjan Sheta kalon ne radhet e Teutes

Mbrojtesi i Elbasanit, i perjashtuar nga skuadra e tij ne fund te pjeses se pare te ketij sezoni, Arjan Sheta nuk ka vazhduar me shume se nje jave stervitje te Partizani. Mbrojtesi eshte larguar perfundimisht nga "demat e kuq" , per te zgjedhur nje ekip tjeter, teksa kaloi ne Durres, per te luajtur ne radhet e ekipit te Sulejman Staroves. Sheta shihej si perforcimi i pare i Partizanit, por gjendja aktuale jo shume premtuese e te kuqve dhe nje oferte me e mire e Teutes se Durresit, e kane detyruar lojtarin te nenshkruaje brenda dites per "djemte e detit". Trajneri i Teutes, Sulejman Starova deklaroi se do te afronte disa lojtare te tjere, para se te perfundonte pjesa e pare e sezonit dhe ne merkaton e janarit blerjet e Teutes, do te jene kryesisht te huaja. Mes lojtareve qe do te afrohen, Sheta ishte me teper nje dhurate, pasi do te jete nje perforcim ne mbrojtje, reparti qe aktualisht eshte me problematiku per ekipin Teutes, pas perjashtimit te Gjondedes dhe demtimit te Ndrekes. Pervec Shetes "djemte e detit" jane duke provuar edhe disa lojtare te tjere, te huaj nga Ballkani, qe do te afrohen gjate ketyre diteve.