Arnold Schwarzenegger është kthyer: Do luajë në Terminator 5

Në moshën 63 vjeçare, ish Guvernatori i Kalifornisë, Arnold Schwarzenegger, do rikthehet në ekranin e madh me filmin që e bëri të famshëm, Terminator, seria 5. Një sëri kompanish të mëdha janë futur në garë për të fituar të drejtën e këtij filmi, duke pasur në mendje faktin se në garë do jetë aktori i njohur. Në vitin 2003 Schwarzenegger luajti në Terminator 3 dhe fitoi plot 30 milion dollarë. Ai është në gjurmët e aktorit Sylvester Stallone, që iu rikthye filmave Rambo e Rocky.